Art. 4. - Deffendons à nostredict grand-voyer ou ses commis
de permettre qu'il soit faict aucunes saillies, avances et pans de
bois aux batimens neufs, et mesme à ceux où il y en a à
présent, de contraindre les réédifier, n'y faire ouvrages qui les
puissent conforter, conserver et soutenir, n'y faire aucun encor-
bellement en avance pour porter aucun mur, pan de bois ou
autres choses en saillie, et porter à faux sur lesdictes rues ...
Art. 5. - Comme aussi nous deffendons à tous nosdicts sujets
de ladite ville, fauxbourgs, prévosté et vicomté de Paris, et autres
villes de ce royaume, faire aucun édifice, pan de mur, jambes
estriers, encoigneures, caves ny caval, forme ronde en saillie,
sièges, barrières, contre-fenestre, huis de caves, bornes, pas,
marches, sièges, montoirs à cheval, auvens, enseignes, establies
cages de menuiserie, châssis à verre et autres avances sur ladicte
voyerie, sans le congé et alignement de nostredict grand-voyer,
ou desdicts commis ...
Art. 7. - Faisons aussi deffenses à toutes personnes de faire
et creuser aucunes caves sous les rues, et pour le regard de
ceux qui voudront faire degrez pour monter à leurs maisons,
par le moyen desquels les rues estrécissent, faire sièges ès dictes
rues, estail ou auvent, clorre ou fermer aucunes rues, faire planter
bornes au coin d'icelles, ès entrées de maisons, poser enseignes
nouvelles, ou faire le tout réparer, prennent congé dudict grand-voyer ou commis ...